Dónaskapur ferðamanna á gossvæðinu

Það virðist vera að færast í vöxt að ferðamenn eru að koma í heimsókn á gossvæðin og aka heim á bæina án þess að gera vart við sig ,eingöngu til að forvitnast og skoða.Þetta er náttúrulega grófur ruddaskapur og engum sæmandi. Fólk er að koma heim á hlað á sumum bæum og taka myndir og aka svo í burtu.Ég skora á viðkomandi að láta af svona háttsemi og skammast sín

Gosvirkni hefur minnkað

Athugasemdir

[Sanon (IP-tala skráð) 20.5.2010 kl. 10:27]

hvað ? viljið þið þá ekki fá fleirri ferðamenn í framtíðinni?

[kristó (IP-tala skráð) 20.5.2010 kl. 10:44]

Ferðamenn hafa ekkert að gera uppað hlaði á sveitabæjum

[Berglind H. (IP-tala skráð) 20.5.2010 kl. 10:47]

Sammála þér Sæmundur, fólk er orðið pínu pirrað á að vera rannsóknarefni forvitinna sem koma í tandurhreinu bílunum sínum, taka myndir af drullunni hjá hinum og fara svo heim.

 Það er ekki eins og þetta lið geri eitthvað gagn! En ef þið vitið um einhvern sem vill moka ösku, þá má hann koma heim til mín og moka OG taka myndir.

[Þórunn Ágústa (IP-tala skráð) 20.5.2010 kl. 10:48]

Af hverju ætti fólk að vilja fá ferðamenn heim til sín???

Mér finnst skiljanlegt að fólki finnist þetta dónaskapur. Þegar fólk fer á heimili fólks til að taka myndir gæti það sýnt smá kurteisi og spurt hvort það megi taka myndir.

Þó svo að gott sé að fá fleiri ferðamenn þá vill maður þá ekki endilega í garðinn heima hjá sér.

[Sanon (IP-tala skráð) 20.5.2010 kl. 11:01]

Eg er buinn að fara yfir 40 gosferðir með ferðamenn á svæðið í skipulagðar ferðir og engin hefur á mínum vegum farið inn á landareign nokkurs manns og ég hef ekki ennþá séð neinn gera það nema kanski íslendinga á einkabílum fyrstu daganna. Hef farið inn að seljavallalaug (bílaplan) og að bílaplan við afleggjara á Þorvaldseyri (ekki einn maður farið inn fyrir girðingu). Allir skipulagðir túrar eru á þá leið að bændum er sýnd fullkomin virðing og skilningur. Ég held að þetta sé einhver stormur í vatnsglasi hjá þér Sæmundur.

[Sigurður Þór Guðjónsson, 20.5.2010 kl. 11:04]

Að mínu viti ætti að vera frjálst að fara heim að bæjum og taka myndir alveg eins og hver sem er getur tekið myndir af íbúðarhúsum og görðum í þéttbýli. Hef líka illan bifur á öllu sem merkt er ''einkavegur''. Menn eiga að fá að fara um hvar sem er á landinu. En auðvitað með kurteisi og tillitssemi og góðri umgengni.

[Óli (IP-tala skráð) 20.5.2010 kl. 11:18]

Sjaldan er ég nú sammála Sigurði hér á blogginu, en nú hitti hann naglann beint á höfuðið. Er landið ekki sameign okkar allra?

[Friðrik Friðriksson, 20.5.2010 kl. 11:38]

Hárrétt hjá Sigurði Þór.

[Bibbi (IP-tala skráð) 20.5.2010 kl. 11:52]

Sigurður Þór, Óli og Friðrik, þið gefið semsagt grænt ljós á það að ég komi inná lóð hjá ykkur og taki myndir innum glugga á ykkar húsum? Endilega látið heimilisföng ykkar fylgja með næstu færslum ykkar... 

[Bjarki (IP-tala skráð) 20.5.2010 kl. 11:59]

Það sagði Sigurður ekki Bibbi.

[Helgi Heiðar Steinarsson (IP-tala skráð) 20.5.2010 kl. 12:02]

Ferðamenn jafnt sem aðrir Íslendingar hafa nú varla áhuga á því sem er að gerast innandyra heldur taka myndir af eldvirkninni. Svo er líka allt persónulegt rými eins og innan heimilis, bíls og þar sem fólk getur talist vera í næði varið með lögum um persónuvernd. Það má hinsvegar alveg taka myndir af húsunum sjálfum þannig að ég veit ekki hvað þú ert að ibba þig, Bibbi. Og ef það er eitthvað vandamál að fólk sé að fara inn á land bænda eða á hlað þá er einfaldlega hægt að vísa því í burtu. Alltaf þarf að flækja hlutina að óþarfi.

[Bibbi (IP-tala skráð) 20.5.2010 kl. 12:48]

Afsakaðu "ibbið" Helgi Heiðar en áhuginn á húsum og aðstæðum fólks fyrir austan er ekki sprottinn af áhuga á eldvirki heldur er þetta áhugi á erfiðleikum annarra, sprottinn af sama meiði og áhugi fólks á t.a.m. umferðaróhöppum. Þegar þorri fólks kemur að slysi hægir það ferðina, ekki til þess að forða frekari slysum heldur er það forvitnin sem ræður hraðanum. Auk þess sést eldvirknin einna best af þjóðvegi 1 neðan Ásólfsskála, ekki á einhverju bæjarhlaðinu. Og fyrir þá sem nenna að aka á möl og ganga smá spöl er fantagott útsýni af Þórólfsfelli.
ps. ég ætla ekki að fara að karpa um persónuverndarlög, málið er einfaldlega það að fólk á öskufallssvæðinu á nóg með sitt og hefur takmarkaðan tíma til þess að fylgjast með hverjum bíl sem dúkkar upp á hlaði þess því þó flestir "ferðamenn" séu ágætisfólk er síðasta fíflið ekki fætt enn. Gefum þeim næði...

[Ólafur Ingi Hrólfsson, 21.5.2010 kl. 01:22]

Bændur búa á búum sínum - þau eru heimili þeirra og fjölskyldna þeirra - ferðamenn sem vaða heim í hlað - gera ekki vart við sig - hafa ekki samband við heimilisfólk - er að ráðast inn á einkasvæði -á sama hátt og ég væri að rðast inn á einkasvæði fólk með því að fara inn á lóðir þess.

Að banka og spyrja um leyfi er sjálfsögð kurteisi.

Vissulega er fólk að taka myndir af ógæfu annara - að halda öðru fram er blekking - vill þetta sama fólk kanski líka fara inn á Grensás og taka myndir af fólki sem hefur misst útlimi? Hversvegna ekki - Grensás er ekki einu sinni umráðasvæði sjúklinganna - þeir eru á almennri stofnun - hvað með sjúkrahúsin?  Má þá ekki taka myndir þar líka - gjörgæslan gæti gefið frábær myndefni.

Látið fólk sem er að berjast fyrir lifibrauði sínu í friði - eða bjóðist til þess að hjálpa - það gerðum við í Vestmanneyjagosinu - fórum ekki þangað til þess að gera lítið úr fólki.

[Bibbi (IP-tala skráð) 21.5.2010 kl. 20:16]

Mæltu manna heilastur Ólafur Ingi...